Generic Algorithm تعلم الالة

أول لفظ غريب ممكن تقراه وانت بتشوف حد بيوصف Machine Learning Code هو انهم بيقولوا عليه Generic Algorithm؟
الترجمة الحرفية ليها معناها خوارزميات عامة .. ايه هي بقي الخوارزميات دي !!
ببساطة كدا الخوارزميات هي سلسلة من الخطوات المنطقية المتتالية التي تُكتب بشكل منطقي لكي نحل مشكلة معنية، ايوة يعني ايه ؟
يعني انت لما بتعمل خطوات معينة لكتابة كود معين لحل مشكلة كدا انت عملت خوارزمية .. وضحت كدا !!
نرجع لموضوعنا .. من أمثلة ال Generic Algorithms دي حاجة اسمها ال “classification algorithm”
بتعمل ايه دي !!
ببساطة كدا هي بتقدر تقسملك البيانات بتاعتك لاقسام مختلفة .. يعني مثلا لو دخلتها مجموعة ارقام بخط الايد تقدر هي تتعرف علي الأرقام اللي مش واضحة دي وتصنفهالك هي أنهي رقم ! .. و هي هي نفسها تقدر تفرقلك مابين ال e-mail العادي و مابين ال spam و كل دا من غير ما تغير سطر واحد في الموديل نفسه !
طب دا حصل ازاي .. دا حصل عن طريق البيانات اللي انت دخلتها كانت عبارة عن ايه .. بمعني اصح انت كنت بتدربها علي ايه و زي ما هتدربها زي ماهي هتديك نتايج .
يعني لو دربتها علي انها تميز مابين ألقطة والكلب فهتديلها صور قطط وكلاب ك Data ليها
لو اديتلها Emails سليمة و رسايل Spam هتقدر تميزلك مابينهم
لو اديتلها أرقام مش واضحة ودربتها عليهم هتقدر تميزلك مابينهم بعد كده زي في الصورة تحت
—————————————-
ملخص الجزء ده :-
—————–
كلمة Generic Algorithm معناها ان Algorithm بتاعك ممكن يقوم بأكتر من Task من غير ماتعدل عليه هو نفسه بس طبعا هتعدل الداتا !
كدا الجزء بتاع النهاردة خلص و تابعنا في الاجزاء اللي جاية و ذاكر كويس لان بعد كل مقالة هيكون في سؤال عليها 😉